Michezo changanifu ni fursa ya kubadilisha mtazamo kuhusu ulemavu

Katika jamii nyingi za Afrika, unyanyapaa dhidi ya watu wenye ulemavu bado ni changamoto kubwa. Michezo changanifu inatoa jukwaa la kuonyesha uwezo mkubwa wa kiushindani badala ya kuangazia ulemavu.

Wananchi wanaposhuhudia mechi kali za Paralimpiki au mashindano ya kitaifa, mtazamo wa kijamii hubadilika kutoka huruma hadi heshima na uwezeshaji.

Hii inaenda sambamba na Mkataba wa Umoja wa Mataifa wa Haki za Watu Wenye Ulemavu (UN CRPD, Ibara ya 30), unaosisitiza haki ya kushiriki kikamilifu katika michezo.

Ukisoma na kutafakari kwa makini, kweli utakubaliana na mimi kuwa michezo ni fursa — game changer — kwani inabadilisha dhana ya ulemavu kuwa fursa ya nguvu, ustahimilivu na usawa.

Ili kutimiza azma hii kikamilifu, serikali na wadau wa maendeleo lazima wawekeze katika miundombinu jumuishi na vifaa nafuu, ili kumpa kila mtu fursa ya kushiriki na kujitangaza kimataifa.