Kuhusu Sisi

Hili ni jina la gazeti la watu wa kada zote; gazeti la ubunifu la kila wiki, linaloandikwa kwa lugha ya Kiswahili; lugha inayounganisha zaidi ya wazungumzaji milioni 300 duniani kote.

Gazeti hili limeanzishwa kwa msukumo wa kuhakikisha kuwa kila mtu anapata habari kwa gharama nafuu. Tunaamini katika haki ya kupata habari, na ndiyo maana Pambazuko limekuwa likitolewa bure tangu kuanzishwa kwake, zaidi ya miaka mitano, ingawa sasa linaomba mchango wa hiari kutoka kwa wasomaji wake.

Pambazuko ni gazeti lililokuwa likisambazwa kupitia WhatsApp bila malipo kwa kipindi cha miaka mitano, lakini sasa liko mbioni kuanza kuwafikia wasomaji wake kwa kuchangia kiasi cha fedha ili kuliwezesha kuwa bora zaidi. Hatua hii itafanyika kupitia tovuti yetu. Pia, katika tovuti, msomaji aliyechangia anaweza kusoma matoleo yetu yote yaliyopita.

Dhamira Yetu

Lengo letu ni kuwezesha waandishi kufanya kazi zao kwa uhuru, kuwapa wananchi nguvu ya kuamua kupitia vyombo bora vya habari, na kujenga madaraja yanayounganisha wasomi, watunga sera na wananchi wa kawaida — bila kujali kiwango cha elimu, kipato au imani zao.

Ahadi Yetu Kwa Msomaji

• Hatutachapisha habari ambayo hatuwezi kuisimamia.

• Tutajirekebisha hadharani pale tunapokosea.

• Tutalinda vyanzo vyetu vya habari kwa gharama yoyote.

• Hatutaruhusu matangazo au ushirikiano wa kibiashara kuathiri uamuzi wetu wa kiuhariri.

Mhariri Mkuu

Simon Mkina — Mwanzilishi na Mhariri Mkuu. Mwandishi wa habari za uchunguzi mwenye uzoefu wa zaidi ya miaka 33. Aliwahi kuwa mhariri wa magazeti kadhaa ndani na nje ya Tanzania, ni mshirika wa muda mrefu wa vyama vya kitaaluma vya kimataifa ikiwamo ICIJ. Hivi sasa ni Rais wa Chama cha Wanahabari Tanzania (Tamba).