JLO alivyoteka onyesho la mavazi ya Vogue World Milano

Onyesho hilo lilifanyika Septemba 22, 2026, katika ukumbi wa kihistoria wa Galleria Vittorio Emanuele II nchini Italia, ikiwa ni sehemu ya ufunguzi wa wiki ya mitindo ya Milan.

JLO aliteka jukwaa hilo na kubadili mwelekeo wa shughuli nzima pale alipotoka moja kwa moja, akitokea safu ya mbele ya watazamaji (front row) na kujiunga na wanamitindo waliokuwa wakitembea jukwaani wakati wa kipengele cha “Made in Italy”.

Alikuwa amevalia gauni jeusi la kifahari lililotengenezwa kwa kitambaa cha ‘tulle’ na kurembeshwa kwa nakshi za ‘sequins’ kifuani na kwenye sketi, muundo maalum kutoka kwa wabunifu mashuhuri wa Italia, Dolce & Gabbana.

Muonekano wake ulionyesha mtindo wa kuvutia wa “Italian diva” na miondoko ya kizamani ya miaka ya 1950 (1950s-style), huku akisindikizwa jukwaani na wabunifu wenyewe Domenico Dolce na Stefano Gabbana.

Katika kukamilisha muundo huo wa kimalkia, JLO alivaa glavu ndefu za mikononi na mkufu wa dhahabu nyeupe kutoka kwenye mkusanyiko wa Alta Gioielleria, ukiwa na jiwe kuu la almasi aina ya Paraiba tourmaline lenye uzito wa carat 74.459.